زعلان ليه

مُش يمكن الحاجة اللي انت خسرتها الفتره اللي فاتت وزعلت عليها أوي يمكن ربنا هو اللي مسبب الأسباب عشان تخسرها؟! لأنه شايف انك تستاهل الأحسن والأجمل والأنضف كمان!..

شايف إن الحاجة دي لو وجودها كان استمر كانت مُمكن تدمّر حياتك ومستقبلك؟! مُش يمكن الحاجة دي خسارتها مكسب!

مُش يمكن بعد شويه تقول الحمدُ للَّه يارب إنك بعدتني عن الحاجة دي، مُش يمكن ربنا شايف إنك انسان نضِيف فبعَدك عن الناس الغلط اللي كانوا فيها، عشان ربنا من كُتر حبهُ ليك محبش يخليك في مكان مش بتاعك، أو مكان غلط، أشخاص مش مُناسبين ليك حتى لو انت شايف عكس كده!

-قول بس الحمدُ للَّه.. لأن الشكوى والتعب والقلق والخوف مش هيحِلوا أي مُشكله بالعكس هيصعبوها، أنا من الناس الكتير اللي إيمانهم بربنا وسط المشاكل والتعب والضغوط الضيقه والخذلان إن ربنا بيعوض وبياخُد حق لكل شخص اتظلم أو هيعوضه مكانهُ حاجة تنسيه أو أي وجع مر بيه..
لأن ربنا مُش بيخذل حد عشمان فيه زي مـ الناس بتعمل،
ربنا غير.. 😊
عارف!! هايجي يوم وتقوله الحمدُ للَّه يارب على كل الوجع دا لان مكنتش اعرف إن كل دا لمصلحتي، هتقول ساعتها لو كنت اعرف الخير وبشوف المستقبل زيك يارب مكنتش هضايق كل ده، مكُنتش أعرف إنك شايل لي الأحسن، إن كل ما الـ آلام والاوجاع كترت كل مـ الفرح كان مُقابل له وأضعاف

لازم تعرف إن نهايه صبرك على كل حاجة وجعتك هتتعوض مكانها، قوله يا رب أنا مُتأكد وعارف كمان إنك هتنسيني كل حاجه تعباني دا وعد منك يارب.!

ربنا بُكرة هيبعتلك فرحه تنسيك كل الوجع وعينيك هتدّمع من كُتر الفرح، ومن تخطيط ربنا اللّي كان كله عشان يفرّحك انت في النهايه.. إوعى تتفتكر إنك هتعيش بجرحك طول العمر، بُكرة تقول ايه الهبل اللّي انا كنت بعمله في نفسي دا!!!!

خُلاصة الكلام ربنا لو أخد منك حاجة هيعوضك بحاجات أحسن منها ١٠٠٠ مرة، اتعشم في ربنا بس على قد ما تقدر، وأحسِن ظنك به مهما كان، محدّش اتعشم في ربنا واتخذل أبدًا.
السعادَة لقلبك وروحك وعُمرك وعيونك اللي شافت كُل حرف وحسته وفهمته.

عشان ماتنامش زعلان

اياك تنام وانت زعلان 💔 ، او متعصب او شايل من حد ، اياك تنام وانت مكبوت او مكسور لاي سبب من الأسباب ، اياك تيجي علي نفسيتك وصحتك يا صديقي ، قوتك انت بحزنك بتكسرها يوم بعد يوم ، بتخسرها عشان اَيه ، عشان ناس ، عشان اصحاب تبقي عبيط ، مفيش حاجة بتفضل ع حالها الدنيا شوية فوق شوية تحت ، خلي بالك من نفسك اووي اعتني بيها طبطب عليها ، هي اللي هتبقي ليك ، افتكر دايما ان مفيش حاجة تستاهل وان ابشع ظلم هو ظلمك لنفسك ، أنا بعتذرلك نيابة عن كل الناس اللي خدلاتك ، حقك عليا يا صديقي ، رب الخير لا يأتي الا بكل خير 💙، بلاش تنام زعلان !؟ 😌 ، هتتعدل 🌸 .

في النهاية 

وفي النهاية، هتوصل لمرحلة إنك لا بتجرواحد، ولا بتفتكر مين سأل ومين مسألش، ومين خذلك، ومين طلع عيل، ومين بيقعد معاك وهو في ضهرك بياكل في لحمك بالغيبة.. هتبص للحياة حواليك زي الموج اللي بيروح ويجي، وأنت مش عاوز غير إنك  تعيش في سلام، وتكبر دماغك